{"id":8545,"date":"2025-11-11T13:05:08","date_gmt":"2025-11-11T13:05:08","guid":{"rendered":"https:\/\/liriajeniju.com\/?p=8545"},"modified":"2025-11-11T13:05:10","modified_gmt":"2025-11-11T13:05:10","slug":"pse-vendosi-te-deshmoje-ne-mbrojtje-te-thacit-hill-sbesoj-se-ai-ishte-i-perfshire-ne-veprimtari-te-paligjshme","status":"publish","type":"post","link":"https:\/\/liriajeniju.com\/?p=8545","title":{"rendered":"Pse vendosi t\u00eb d\u00ebshmoj\u00eb n\u00eb mbrojtje t\u00eb Tha\u00e7it? \u2013 Hill: S\u2019besoj se ai ishte i p\u00ebrfshir\u00eb n\u00eb veprimtari t\u00eb paligjshme"},"content":{"rendered":"\n

Edhe sot avokati i Tha\u00e7it, Lluka Mishetiq \u00ebsht\u00eb duke e marr\u00eb n\u00eb pyetje diplomatin Hill. I pyetur se pse ka vendosur t\u00eb marr\u00eb pjes\u00eb n\u00eb k\u00ebt\u00eb proces gjyq\u00ebsor, Hill ka th\u00ebn\u00eb se nuk ka arsye p\u00ebr t\u00eb besuar se Tha\u00e7i \u00ebsht\u00eb p\u00ebrfshir\u00eb n\u00eb aktivitete p\u00ebr t\u00eb cilat akuzohet.<\/strong><\/p>\n\n\n\n

D\u00ebshmitari Christopher Hill, ish-ambasador i ShBA-s\u00eb n\u00eb Serbi, ka shpjeguar arsyen pse vendosi t\u00eb d\u00ebshmoj\u00eb n\u00eb mbrojtje t\u00eb ish-presidentit t\u00eb Kosov\u00ebs, Hashim Tha\u00e7i.<\/p>\n\n\n\n

Ai theksoi se nuk beson se Tha\u00e7i ka qen\u00eb i p\u00ebrfshir\u00eb n\u00eb veprimtari t\u00eb paligjshme.<\/p>\n\n\n\n

\u201cKoha nuk i sh\u00ebron t\u00eb gjitha plag\u00ebt, por mendoj q\u00eb pas 25 vjet\u00ebsh, \u00ebsht\u00eb koh\u00eb e madhe q\u00eb t\u00eb mendohen gj\u00ebrat, dhe nuk kam arsye t\u00eb besoj q\u00eb Tha\u00e7i ishte i p\u00ebrfshir\u00eb n\u00eb aktivitete t\u00eb tilla\u201d.<\/p>\n\n\n\n

\u201cNuk kam arsye t\u00eb besoj, dhe as nuk kam d\u00ebgjuar n\u00eb at\u00eb koh\u00eb q\u00eb ai t\u00eb ket\u00eb urdh\u00ebruar aktivitete t\u00eb paligjshme, dhe si\u00e7 e kuptoj un\u00eb, ai \u00ebsht\u00eb mbajtur i burgosur p\u00ebr nj\u00eb koh\u00eb t\u00eb caktuar lidhur me k\u00ebto \u00e7\u00ebshtje. Pra ndjeva, kur mu k\u00ebrkua kjo gj\u00eb, pasi njer\u00ebzit m\u00eb kontaktuan mua, q\u00eb duhet t\u00eb thosha at\u00eb q\u00eb dija n\u00eb lidhje me situat\u00ebn\u201d.<\/p>\n\n\n\n

\u201cTani koha nuk i sh\u00ebron t\u00eb gjitha plag\u00ebt, por mendoj se pas 25 vitesh \u00ebsht\u00eb koh\u00eb e madhe q\u00eb t\u00eb mendohet gj\u00ebrat, nuk kam arsye t\u00eb besoj se Tha\u00e7i ishte p\u00ebrfshir\u00eb n\u00eb aktivitete t\u00eb tilla, as nuk kam d\u00ebgjuar n\u00eb at\u00eb koh\u00eb q\u00eb ai t\u00eb ket\u00eb urdh\u00ebruar aktivitete t\u00eb tilla, veprimtari t\u00eb paligjshme, si\u00e7 e kuptoj un\u00eb, ai \u00ebsht\u00eb mbajtur i burgosur p\u00ebr nj\u00eb koh\u00eb t\u00eb caktuar p\u00ebr k\u00ebt\u00eb \u00e7\u00ebshtje, ndjeva kur mu k\u00ebrkua nuk u kontaktova njer\u00ebz, njer\u00ebzit m\u00eb kontaktuan mua, dhe ndjeva q\u00eb duhet t\u00eb thoja at\u00eb q\u00eb dija p\u00ebr situat\u00ebn\u201d, tha Hill<\/p>\n\n\n\n

Ish-diplomati amerikan Christopher Hill, i cili sh\u00ebrbeu n\u00eb Kosov\u00eb gjat\u00eb viteve t\u00eb luft\u00ebs 1998\u20131999, po d\u00ebshmon n\u00eb Hag\u00eb n\u00eb procesin gjyq\u00ebsor ndaj ish-Presidentit Hashim Tha\u00e7i, n\u00eb kuad\u00ebr t\u00eb d\u00ebshmitar\u00ebve t\u00eb mbrojtjes. N\u00eb d\u00ebshmin\u00eb e tij, Hill ka p\u00ebrshkruar nga af\u00ebr sfidat e m\u00ebdha q\u00eb e kan\u00eb shoq\u00ebruar Konferenc\u00ebn e Rambujes, duke e cil\u00ebsuar procesin si nj\u00eb \u201cmision t\u00eb pamundur\u201d q\u00eb nga dita e par\u00eb. Ai gjithashtu foli p\u00ebr p\u00ebrb\u00ebrjen e delegacionit t\u00eb Kosov\u00ebs, duke komentuar rolin e ish-Presidentit Ibrahim Rugova dhe ish-Presidentit, Hashim Tha\u00e7i.<\/p>\n\n\n\n

Sipas Hill, mospajtimet me dokumentin ishin t\u00eb v\u00ebrejtshme q\u00eb n\u00eb fillim:\u201cPo p\u00ebrpiqesha t\u2019i bindja delegacionet e Kosov\u00ebs dhe Serbis\u00eb t\u00eb binin dakord p\u00ebr nj\u00eb tekst, dhe q\u00eb n\u00eb fillim dukej si nj\u00eb mision i pamundur,\u201d<\/em> tha ai, duke shtuar se nuk kishte besuar se Rambujeja do t\u00eb p\u00ebrs\u00ebriste suksesin e Dejtonit.<\/p>\n\n\n\n

Hill u pyet nga mbrojtja p\u00ebr p\u00ebrb\u00ebrjen e delegacionit kosovar, i cili, sipas tij, ishte i ndar\u00eb n\u00eb tri grupe: LDK-n\u00eb n\u00ebn drejtimin e Ibrahim Rugov\u00ebs, p\u00ebrfaq\u00ebsuesit e Ushtris\u00eb \u00c7lirimtare t\u00eb Kosov\u00ebs (U\u00c7K) dhe nj\u00eb grup intelektual\u00ebsh t\u00eb pavarur.<\/p>\n\n\n\n

\u201cKishim tre grupe: grupin e LDK-s\u00eb n\u00ebn drejtimin e Ibrahim Rugov\u00ebs. Ai ishte mjaft pasiv \u2013 nuk ishte i z\u00ebsh\u00ebm apo pjes\u00ebmarr\u00ebs aktiv. Ishte i p\u00ebrmbajtur, si\u00e7 edhe e prisnim. Pastaj kishim delegacionin e U\u00c7K-s\u00eb, t\u00eb cil\u00ebt ishin aktiv\u00eb si grup, megjith\u00ebse nuk mund t\u00eb them se ndonj\u00ebri dallohej ve\u00e7an\u00ebrisht nga t\u00eb tjer\u00ebt. Dhe pastaj kishim intelektual\u00ebt e pavarur. N\u00eb mesin e tyre kishte njer\u00ebz q\u00eb e kuptonin mir\u00eb procesin e negocimit, si Blerim Qela, e deri te Rexhep Qosja, i cili ishte aty m\u00eb shum\u00eb si historian i madh q\u00eb p\u00ebrfaq\u00ebsonte t\u00eb drejt\u00ebn e Shqip\u00ebris\u00eb ndaj Kosov\u00ebs. Ishin tre grupe q\u00eb formonin nj\u00eb delegacion, por nuk funksiononin mir\u00eb s\u00eb bashku.\u201d<\/em> \u2013 tha Hill.<\/p>\n\n\n\n

I pyetur mbi struktur\u00ebn e udh\u00ebheqjes, Hill tha se formalisht Rugova shihej si kryetar delegacioni, nd\u00ebrsa n\u00eb an\u00ebn tjet\u00ebr, nga U\u00c7K-ja, emri kryesor ishte ai i Hashim Tha\u00e7it. Megjithat\u00eb, ai tha se nd\u00ebrkomb\u00ebtar\u00ebt shmangnin t\u2019u referoheshin si \u201ckrer\u00eb delegacionesh\u201d p\u00ebr t\u00eb mos thelluar rivalitetet e brendshme.<\/p>\n\n\n\n

\u201cMendoj se, n\u00eb m\u00ebnyr\u00eb formale, ishte Rugova. Dhe p\u00ebr shkak se ishte m\u00eb i moshuar se t\u00eb tjer\u00ebt, ishte edhe Rexhep Qosja, nd\u00ebrsa nga U\u00c7K-ja, emri i vet\u00ebm q\u00eb ne e njihnim mir\u00eb ishte Hashim Tha\u00e7i. Por ne kurr\u00eb nuk i referoheshim njer\u00ebzve si \u2018krer\u00eb delegacionesh\u2019, sepse mendonim se kjo do t\u2019i p\u00ebrkeq\u00ebsonte problemet.\u201d<\/em> \u2013 shtoi ai.<\/p>\n\n\n\n

N\u00eb lidhje me p\u00ebrmbajtjen e propozimit t\u00eb Rambujes, Hill d\u00ebshmoi se dokumenti synonte \u201cautonomi t\u00eb plot\u00eb p\u00ebr Kosov\u00ebn\u201d dhe parashikonte q\u00eb NATO t\u00eb siguronte mbrojtjen, duke p\u00ebrjashtuar \u00e7do prani policore apo ushtarake serbe.<\/p>\n\n\n\n

\u201cPropozimi p\u00ebrfshinte krijimin e nj\u00eb autonomie t\u00eb plot\u00eb p\u00ebr Kosov\u00ebn dhe, n\u00eb fund, Rambuje p\u00ebrfshinte iden\u00eb e nj\u00eb referendumi p\u00ebr statusin e saj p\u00ebrfundimtar. Dhe, m\u00eb e r\u00ebnd\u00ebsishmja, parashikonte q\u00eb NATO t\u00eb siguronte mbrojtjen p\u00ebr Kosov\u00ebn \u2013 pa m\u00eb asnj\u00eb nj\u00ebsi policie apo ushtarake serbe. Parimi themelor ishte q\u00eb pushteti t\u00eb zbriste sa m\u00eb posht\u00eb, n\u00eb nivele lokale, sepse kjo na dukej m\u00ebnyra m\u00eb e natyrshme p\u00ebr t\u00eb qeverisur Kosov\u00ebn, por ishte edhe nj\u00eb m\u00ebnyr\u00eb p\u00ebr t\u00eb mbrojtur komunitetet serbe, meq\u00eb ekzistonte kuptimi q\u00eb n\u00ebse Kosova do t\u00eb b\u00ebhej shtet, komuniteti serb do t\u00eb d\u00ebshironte t\u00eb jetonte atje.\u201d<\/em> \u2013 tha Hill.<\/p>\n\n\n\n

Hill pyet p\u00ebr momentin kur Shtetet e Bashkuara i k\u00ebrkuan Hashim Tha\u00e7it t\u00eb pranonte marr\u00ebveshjen:<\/p>\n\n\n\n

\u201cPo, dhe kjo ishte e r\u00ebnd\u00ebsishme, sepse q\u00ebndrimi i ministrave t\u00eb jasht\u00ebm ishte se n\u00ebse nj\u00ebra pal\u00eb pranonte marr\u00ebveshjen e Rambujes dhe tjetra jo, ne do ta mb\u00ebshtesnim pal\u00ebn q\u00eb e kishte pranuar dhe do t\u00eb kund\u00ebrshtonim at\u00eb q\u00eb e refuzonte. Pra, n\u00ebse t\u00eb dyja pal\u00ebt do ta pranonin, do t\u00eb kishim marr\u00ebveshje. Por askush nuk ishte aq optimist sa t\u00eb besonte se kjo do t\u00eb ndodhte. N\u00ebse m\u00eb n\u00eb fund t\u00eb dyja pal\u00ebt do ta refuzonin, at\u00ebher\u00eb do t\u00eb ishim n\u00eb nj\u00eb situat\u00eb ku, duksh\u00ebm, do t\u00eb duhej t\u00eb t\u00ebrhiqeshim. Un\u00eb gjithmon\u00eb isha skeptik ndaj atij lloj propozimi \u2018merre ose l\u00ebre\u2019, por kjo ishte ndjesia e p\u00ebrgjithshme \u2013 n\u00ebse nuk mund t\u2019i bindnim t\u00eb pranonin, at\u00ebher\u00eb pse ishim aty.\u201d <\/em>\u2013 tha aim \u00eb tej.<\/p>\n\n\n\n

I pyetur m\u00eb pas se a e pranoi ish-Presidenti Tha\u00e7i marr\u00ebveshjen, Hill u shreh:<\/p>\n\n\n\n

\u201cJo \u2013 ai shfaqi mir\u00ebkuptim p\u00ebr at\u00eb q\u00eb po p\u00ebrpiqeshim t\u00eb b\u00ebnim, e kuptonte arsyetimin ton\u00eb q\u00eb nuk mund t\u00eb ket\u00eb nj\u00eb propozim q\u00eb funksionon vet\u00ebm p\u00ebr nj\u00ebr\u00ebn pal\u00eb, por shqet\u00ebsimi i tij ishte se nuk mund t\u00eb vendosej n\u00eb nj\u00eb pozicion p\u00ebr t\u00eb pranuar nj\u00eb propozim q\u00eb nuk e kishte pavar\u00ebsin\u00eb t\u00eb shprehur qart\u00eb n\u00eb tekst.\u201d<\/em>\/Demokracia<\/p>\n\n\n\n